Ubuhamya

"Amahugurwa ya BPN yamfashije kubona ibintu uko ntasanzwe mbibona. Nabonye ko mu bibazo mfite mu bikorwa byanjye hari amahirwe menshi abyihishe inyuma. Kuri njye ni impinduka ikomeye."

"Nk’umuganga nsobanukiwe byimazeyo umubiri w’umuntu. Mu mahugurwa ya BPN nungukiyemo imikorere ya rwiyemezamirimo ukora mu buryo bw’umwuga. Bimfasha kumva birushijeho impamvu ari ingenzi gucunga neza imari mu kigo."

"Amahugurwa ya BPN yanshoboje gusobanukirwa ishusho mbumbe y’ibikorwa byanjye n’uburyo nafata mu ntoki zanjye imiyoborere y’ikigo cyanjye muri rusange."

"Mu mahugurwa yose nitabiriye mu rugendo rwanjye rwa bizinesi, aya BPN niyo afite inyigisho zuzuye, kandi zitera impinduka. Anshishikariza gukora ngo ndusheho gutanga ibicuruzwa na serivisi bifite ubwiza bwisumbuyeho."

"BPN imfasha kuvumbura umuzi w’ibibazo mpura na byo n’uburyo bwo kubikemura. Biragenda bimfasha kuganisha bizinesi yanjye ku mikorere ya kinyamwuga."

"Nasobanukiwe ko icy’ ingenzi mu kuba Rwiyemezamirimo ari uko wongera agaciro k’abaturarwanda. Uba wongera agaciro k’abakozi bawe, wongera agaciro k’abakugana, bigatuma wongera n’agaciro k’igihugu cyose muli rusange."

"Najyaga nibwira ko ikintu nkeneye ngo ngere ku ntsinzi ari igishoro kivuye ahandi. Ubu nasobanukiwe ko ayo mafaranga ari njye nka rwiyemezamirimo ukwiye kuyakorera, mbikesheje amahugurwa n’iherekeza bya BPN. Ibyo byanteye umwete n’ukwiyemeza."

"Mbere y’ uko ninjira muri BPN, sinajyaga nkunda kugenzura uko imari ihagaze mu kigo cyanjye. Ariko ubu, ndabigenzura kandi nkabisesengura. Ndizigamira hanyuma nkongera ngashora inyungu muri bizinesi."

"Nsoje amahugurwa ya BPN, niyumvisemo ingufu zo kuba umuyobozi. Nahakuye ishusho nshya y’uburyo ikigo cyanjye kigomba gusa n’uburyo kizajya gikora. Umugabo wanjye yaranyitegereje maze arambwira ati: 'wahindutse pe'."

"Ni ingenzi cyane kuri jye kuba ndi mu cyiciro cy’abahanga imirimo mu Rwanda, bagaha abandi akazi kugirango babashe kwita ku miryango yabo. Nishyura neza imisoro. Mfite uruhare mu bukungu bw’igihugu. Ibyo numva bimpesha ishema."

"Kimwe mu bintu by’ingenzi nigiye muri BPN ni ukureba ibibazo nkaho byihishemo ibisubizo. Hari igihe imvura yaguye maze amazi yuzura mu ibarizo ryanjye. Naraje ndeba uko bimeze maze ndavuga nti:” aha niho tugiye kuzajya tumurikira ibikorwa byacu”. Uyu munsi wanone, dufite icyo cyumba tumurikiramo ibikorwa!"